網紅的藏寶箱上司有一日唔知點解好感性喺大group嗰度稱讚每一個人，理事長同夫人第二日即刻做嘢獎勵吓我哋呢班地底泥！一朝早親自搬一箱好赤坂出名食燒肉專門店らいもん，裡面必叫嘅定番盛岡冷麵俾我哋作為獎勵。丫仁當然要發揮住家男人嘅精神，整得靚靚囝囝放上Instagram，再tag番佢啦！門面功夫仲使乜講呢？
但係講真，個麵真係好好食！一包兩食¥1650（hkd120）裏面仲送埋赤坂らいもん醃蘿蔔（大根キムチ/カクテキ）啲包嘢先係重點！好爽脆好清甜，真係好鍾意食日本嘅泡菜，因為唔會有酸味。頭一次只係落一粒溫泉蛋同少少雞肉我已經好出色，第二日索性擺埋現成叉燒&帶子味蟹柳轉轉形象，結果仍然係醃蘿蔔勝出！！
今日又宣布緊急事態宣言，如果通返關小弟一定帶舅父食呢間燒肉，比較下個冷麵係咪同包裝一模一樣？！點解唔買兩老？因為如果兩老去嘅話要我俾錢，但舅父一定會請我食嘅🙈哈哈～
Search